Propostas e suxerencias de EF para Educación Infantil

A ocupación primordial para os nenos/as de 3 a 5 anos é XOGAR. O xogo espontáneo é fundamental e potencia a creatividade.

A realización do mesmo no fogar (e a incorporación dos xoguetes habituais) ofrece materiais e contextos variados para o neno/a.

Conforme crecen os nenos poden comezar a practicar actividades nas que se introduzan regras.

Eses xogos e bailes deben ser compartidos co resto da familia:

Propostas de xogos:

Xogo do tesouro.- Dar pistas. Crear unha serie delas que os leve dun recuncho a outro da casa. Deben atopar un obxecto que pode ser considerado coma un premio.
Ximnasio no salón: Transformar o salón nun ximnasio na medida das posibilidades do fogar. Sacar a mesa do centro, colocar unha esterilla para facer volteretas, colocar pequenos obstáculos para saltar. Colocar un fío/cinta dun extremo a outro coma se fose unha tea de araña e atravesar sen tocar, etc.
Saltar á comba/corda: Pódese xogar individualmente ou en familia.
Xogo da mariquitilla
Xogo das sillas musicais
Xogo do tres en raia
Xogo das estatuas con música
Xogo do Enredo (Twister)
As profesións
Circuito motriz
Terra, praia, mar: dicir animais e moverse segundo sexan terrestres, mariños ou voadores.
Paseo polo bosque: moverse en fila, ir dicindo nomes de animais que se atopan no bosque os nenos deberán moverse imitándoos.
As profesións: moverse en fila, ir dicindo xente que se vai atopando na cidade e recrear as suas profesións (condutor, policía, varrendeiro, etc.).
Un día calquera: describir todas as accións realizadas desde a mañá á noite. Os nenos/as deben simulalas.
Moverse co abecedario: nenos din letras e condutor do xogo manda unha tarefa que comece por dita letra (p. ex. O = ordearse por alturas).